Түбән Кама фатирларына җылылыкны 25 сентябрьдән бирә башлыйлар

Түбән Камада җылыту сезоны башланды. Әмма фатирларга җылы әлегә бирелмәде.

Гадәттәгечә, беренчеләрдән булып җылылык социаль учреждениеләргә тапшырыла башлый.

Район балалар хастаханәсе җылытуга тулысынча әзер. Учреждениенең баш энергетигы Динар Миннезянов әйтүенчә, җиһазларны махсус комиссия тикшергән. Шуңа күрә торбаларда җылылык шушы көннәрдә барлыкка киләчәк.

Түбән Камада җылылык бирү процессы шактый катлаулы бара һәм якынча 14 көн дәвам итә. Шулай итеп, 25 сентябрьгә торак йортларга җылылык килә башлаячак.