Түбән Кама эшкуарлары өчен Роспотребнадзорда ачык ишекләр көне оештырылачак

ТР буенча Роспотребнадзор идарәсенең Түбән Кама бүлегендә эшмәкәрләр өчен бердәм Ачык ишекләр көне узачак.

Чара пәнҗешәмбе, 14 декабрьдә үткәрелә, дип хәбәр итә шәһәр администрациясенең матбугат хезмәте.

Аның максаты — Роспотребнадзор компетенциясе чикләрендә эшмәкәрләргә бушлай консультация ярдәме күрсәтү, шулай ук аның эшчәнлеге турында мәгълүматның ачыклыгын һәм үтемлеген арттыру.

Кабул итү 14.00-16.00гә кадәр Ахтубинская урамындагы 18 нче йортның 5 нче кабинетында узачак. Консультациягә 42-51-27 телефон номеры буенча алдан язылырга мөмкин.