Түбән Кама балалар хастаханәсендә төтен аркасында 120 кешене эвакуацияләгәннәр

Түбән Каманың Менделеев урамындагы балалар хастаханәсендә икенче катта төтен чыккан.

Коткаручылар килгәнче бинадан 120 кеше, шул исәптән 40 бала чыгарылган.

Беренчел фараз буенча, гадәттән тыш хәлнең сәбәбе — электр җиһазларының авария режимында эшләве. Төтен чыгу нәтиҗәсендә 1,5 кв. м мәйданда компьютер һәм өстәл янган, дип хәбәр иттеләр Түбән Кама районы буенча күзәтчелек эшчәнлеге һәм профилактика эше бүлегендә.