ТР сәламәтлек саклау министры урынбасары Түбән Кама хастаханәсендә булды

ТР сәламәтлек саклау министры урынбасары Илдар Фатихов эш визиты белән Түбән Кама район хастаханәсендә булды.

Хастаханәнең матбугат хезмәте хәбәр иткәнчә, ул өстәмә диспансеризация пункты эше белән танышкан.

Министр урынбасары шулай ук ашыгыч медицина үзәгенең кабул итү бүлегендә, кардиология һәм травматология бүлекләрендә була.

Визит барышында ул Түбән Каманың сәламәтлек саклау идарәсе җитәкчесе Сергей Мерясев һәм НЦРМБ баш табибы Руслан Вәлиев алдына яңа бурычлар куйды.