Татарстанны бер тәүлеккә көчле магнит давылы биләп алачак

Татарстанда көчле магнит давыллары фаразлана. Алар биш баллы шкала буенча өченче дәрәҗәгә җитәчәк.

Кояш астрономиясе лабораториясе белгечләре фаразлавынча, давыл 29 июльдән 30 июльгә каршы төндә башлана һәм 31 июльнең көн уртасына кадәр яки хәтта кичкә кадәр дәвам итәргә мөмкин.

Моңа 28 һәм 29 июльдә кояшта Х класска җитәчәк «көчле кабынып китүләр» сәбәпче булачак.

Сәламәтлекләре геомагнит давылларга бәйле кешеләргә күбрәк су эчәргә, алкоголь кулланмаска, тоз куллануны киметергә, йокы режимын үтәргә һәм организмны артык йөкләмәскә киңәш ителә.