Татарстанда томан, кайбер районнарда буран көтелә

Бүген Татарстанда болытлы һава торышы саклана, кар явачак, республиканың кайбер районнарында буран көтелә. Бу хакта Гидрометеоүзәкнең матбугат хезмәте хәбәр итә, дип яза «Татар-информ».

Көннең беренче яртысында томан фаразлана. Төнге температура −15..-20 градус тәшкил итте, көндез термометр баганасы −4 градуска кадәр күтәреләчәк, төньякта −12 градус көтелә.

Җил көньяк-көнбатыштан һәм көньяктан, аның тизлеге секундына 6-11 метрга җитәчәк. Шулай ук татарстанлыларны бозлавык турында кисәтәләр.