Татарстанда яңгыр, көчле җил һәм кырау төшүе көтелә

Татарстанда кыска вакытлы яңгыр һәм көчле җил көтелә. Бу хакта ТР Гидрометеоүзәге хәбәр итә.

Синоптиклар мәгълүматларына караганда, 21 сентябрьдә республика территориясендә алмашынучан болытлы һава булачак. Төнлә явым-төшем көтелми, ә менә көндез һәм кичен урыны белән кыска вакытлы яңгыр явуы ихтимал.

Төнлә җил көньяк-көнбатыштан, секундына 5-10 метр тизлектә исәчәк, көндез 7-12 м/с, урыны белән секундыа 15-17 метрга кадәр. Төнлә +7..+12 градус, көнчыгыш районнарда +1..+6, урыны белән һавада һәм туфракта −1 кадәр салкын көтелә. Көндез һаваның максималь температурасы +20..+25 градус.