Татарстанда яңгыр һәм юеш кар явуы көтелә

Татарстанда яңгыр һәм юеш кар булыр дип фаразлана. Бу хакта ТР Гидрометеоүзәге хәбәр итә.

Синоптиклар мәгълүматларына караганда, 19 октябрьдә республика территориясендә болытлы һава торышы булачак. Көндез урыны белән яңгыр һәм юеш кар рәвешендә уртача явым-төшем көтелә.

Җил — көньяк-көнбатыштан, секундына 6-11 метр тизлектә, урыны белән 14 метрга кадәр җитә. Төнлә +1..+3 градус. Көндез һаваның максималь температурасы +4..+9 градуска кадәр күтәреләчәк.