Татарстанда гаилә мөнәсәбәтләре һәм сәламәтлеге турында лекцияләр сериясе узачак

Татарстан районнарында гаиләгә багышланган фәнни-агарту лекцияләре сериясе уздырылачак. Республика Фәннәр академиясе матбугат хезмәте хәбәр иткәнчә, чаралар Россиядә Гаилә елына багышланган.

Очрашулар августта Казанда, Чаллыда, Әлмәттә, Кукмарада, Чистайда һәм Апаста узачак.

«Безнең очрашуларның максаты — мәгълүмати-мәдәни гаилә булдыру, анда никахлы, балалы гаилә тормышы рәвеше мәңгелек кыйммәткә ия», — дип сөйләде Татарстан Фәннәр академиясенең Гаилә һәм демография үзәге җитәкчесе Айгөл Хурамшина.

2019 елдан Россиядә «Демография» илкүләм проекты гамәлгә ашырыла. Моннан тыш, яңа «Гаилә» илкүләм проекты эшләнә.