Татарстанда бу атнада эссе булачак, яшенле яңгырлар явачак

Татарстанда 19 июньгә кадәр эссе булачак, яшенле яңгырлар да китәргә җыенмый. ТР Гидрометүзәге синоптиклары шундый фараз җиткерә.

Аларның мәгълүматлары буенча, 18 июньдә республика территориясендә алмашынучан болытлы булачак, кыска вакытлы яңгыр, яшен булуы ихтимал. Урыны белән боз яварга мөмкин.

Җил көньяк-көнчыгыштан көньяк-көнбатышка 6-11 м/с тизлек белән исә. Урыны белән 14 м/с кадәр, ә яшен вакытында 15-20 м/с кадәр булырга мөмкин. Төнлә +16..+21 градус, көндез +34 градуска кадәр.

Чәршәмбе, 19 июнь көнне дә шундый ук һава торышы булачак. Төнлә +17..+22, көндез +28..+33 градус.