Татарстанда +26 градуска кадәр җылыну фаразлана

Татарстан синоптиклары алдагы берничә көндә һава торышының җылынуын фаразлады.

Җомга һәм шимбә көннәрендә төнге температура +9..+16 градус тәшкил итәчәк, көндез һава +20..+26га кадәр җылыначак. Якшәмбе төнендә +11дән +16га кадәр, көндез 19дан 24 градуска кадәр җылы.

Урыны белән яңгыр явуы ихтимал.

ТР Гидрометеорология хезмәте фаразлавынча, киләсе атна башында циклон аркасында болытлы һава торышы көтелә. Көндез температура +19..+24 градус тәшкил итәчәк.