Татарстанда 2 градуска кадәр салкын һәм кырау төшүе көтелә

20 сентябрьдә Татарстанда явым-төшемсез үзгәрүчән болытлы һава торышы фаразлана.

Төнлә һәм көндез республиканың кайбер районнарында томан төшәргә мөмкин.

Төнге сәгатьләрдә һава температурасы 0..+5 градус тәшкил итәчәк, урыны белән һавада һәм туфракта −2 градуска кадәр кырау төшүе ихтимал. Көндез республикада +23кә кадәр җылы һава торышы көтелә.

ТР Гидрометүзәгенең синоптиклары пәнҗешәмбе (21сентябрь) һәм җомга (22 сентябрь) көннәрендә дә алмашынучан болытлы һава торышын фаразлый. Көндез +25кә кадәр җылыта.