Татарстан синоптиклары Корбан бәйрәмендә нинди һава торышы булачагы турында сөйләде

28 июньдә Татарстан метеорологлары +28 градуска кадәр җылы һава торышы фаразлый. Бу хакта ТР Гидрометеорология һәм әйләнә-тирә мохит мониторингы идарәсе хәбәр итә.

Корбан бәйрәме көнендә республикада бераз болытлы һава булачак. Җил уртача, секундына 7 метрга кадәр, әмма урыны белән секундына 10 метрга кадәр көчәюе мөмкин.

Көндез һава +23..+28 градуска кадәр җылыначак. Исегезгә төшерәбез, чәршәмбе, 28 июнь Татарстан Республикасында ял көне дип игълан ителде.