Синоптиклар татарстанлыларга атна буе явачак яңгырлар вәгъдә итте

Татарстан атна буе диярлек циклон тәэсирендә булачак, синоптиклар явым-төшемнәрне фаразлый, вакыт-вакыт яшен һәм көчле җил булачак.
Һава температурасы 20 градустан югары торачак, диелә метеорологлар фаразында.

30 июльдә урыны белән көчле яңгырлар явуы ихтимал. Көндез +22..+27 градус көтелә, дип хәбәр итә республиканың Гидрометеорология үзәге. 31 июль һәм 1 августта һава температурасы +19..+24 градуска кадәр төшәчәк.

Беренчел фаразлар буенча, җомга һәм шимбә көннәрендә шулай ук урыны белән яңгыр явачак, яшен, көчле җил булуы ихтимал. Көндез +19..+24 градус.