Синоптиклар Татарстанда ягып җылыту сезонына һава торышын фаразлады

Татарстан Гидрометеорология үзәгендә киләсе ягып җылыту сезонында республикада нинди һава торышы булачагы турында сөйләделәр.

Фаразлау буенча, октябрьдә уртача һава температурасы нормадан югары, +4,9 градус булачак. Киләсе айларда — ноябрьдән алып мартка кадәр ул нормага якын фаразлана. Шулай итеп, көзнең соңгы аенда республикада уртача һава температурасы норма буенча −2,7, декабрьдә −8,9, гыйнварда −10,9, февральдә −10,7 градус булырга тиеш. Синоптиклар фаразлавынча, мартта уртача айлык температура −4,2 булырга тиеш.

Фаразны Россия Гидрометеорология үзәге белгечләре төзегән. Алга таба аңа төзәтмә һәм ачыклык кертеләчәк.