«СалаваTik»лар Республика көненә яңа җыр әзерләгән

30 август безнең Татарстан халкы өчен мөһим дата. Республика һәм шәһәр көненә тамашачылар өчен «СалаваTik» лар җырлы бүләк әзерләде. Бүген интернетка «Мин яратам сине, Татарстан!» җырының видеосы чыкты. Җырның сүзләрен Роберт Рәкыйпов иҗат иткән, көен Роберт Андреев язган.

Танылган җырчы Салават Фәтхетдинов башкаруындагы «Мин яратам сине, Татарстан!» җыры бүгеннән балалар − «СалаваTik» лар башкаруында да яңгырый.

Салаватиклар белән бергә видеода аларның алыштыргысыз фанатлары − Казан шәһәренең 24 нче номерлы «Энҗекәй» балалар бакчасында тәрбияләнүче нәни дуслары катнашты.