Россия халкын быел алты көнлек эш атнасы көтә

2025 елның көзендә Россия халкын алты көнлек эш атнасы көтә. Бу хакта «Работа.ру» персонал сервисы директоры Юлия Санина РИА Новостига сөйләгән дип яза «Российская газета».

«2025 елда Россия халкын 27 октябрьдән 1 ноябрьгә кадәр алты көнлек эш атнасы көтә», — дигән ул.

Бу 1 ноябрьдәге (шимбә) ял көнен 3 ноябрьгә (дүшәмбе) күчергә бәйле. Шул ук вакытта 1 ноябрьдә эш көне бер сәгатькә кыскарак була.

Яллар өч көн — 2 ноябрьдән 4 ноябрьгә кадәр дәвам итәчәк, ә киләсе эш атнасы өч көнлек — 5 ноябрьдән 7 ноябрьгә кадәр була.