Путин хезмәт өчен түләүнең минималь күләмен арттыру турында законны имзалады

Россия Президенты Владимир Путин 2025 елның 1 гыйнварыннан хезмәт өчен түләүнең минималь күләмен (МРОТ) арттыру турында законны имзалады. Бу документ хокукый мәгълүмат порталында чыккан, дип яза «Татар-информ».

Киләсе елда илдә хезмәт өчен түләүнең минималь күләме 22 440 сум була, шулай итеп әлеге күрсәткеч 3 198 сумга арта.

Алдарак Дәүләт Думасының әлеге законны кабул итүе хәбәр ителгән иде. Дәүләт башлыгы йөкләмәсе буенча, 2030 елга хезмәт өчен түләүнең минималь күләме 35 меңнән дә ким булмаска тиеш.