НТР медиахолдингы беренче тапкыр китап фестивалендә катнашты

Түбән Камада «Добрый Нижнекамск» муниципаль фестивале кысаларында Татарстан Республикасы көне уңаеннан китап фестивале уза.
Анда беренче тапкыр шулай ук НТР медиахолдингы катнашты.

Фестивальдә «ТАТМЕДИА»дан китаплар, журналлар һәм открыткалар тәкъдим ителде. Шулай ук Түбән Кама үзәк китапханәсе белән берлектә балалар һәм өлкәннәр өчен зур буягычлар буенча мастер-класс оештырылды.

Моннан тыш, фестиваль кысаларында 2024 елга язылу кампаниясенә старт бирелде.