Көндез Татарстанда 14 градуска кадәр салкын булыр дип көтелә

Бүген, 13 декабрьдә, Татарстанда аномаль салкын һава торышы сакланачак, әмма республикада температура фоны күтәрелә башлаячак. Бу хакта ТР Гидрометүзәге хәбәр итә, дип яза «Татар-информ».

Явым-төшем ихтималы аз. Юлларда бозлавык була, ди синоптиклар.

Көньяк-көнчыгыш җиле 6-11 м/с көч белән фаразлана, урыны белән ул 15-17 м/с кадәр көчәячәк.

Көннең якты вакытында Татарстан буенча һава температурасы −14тән −19 градуска кадәр (республиканың көнчыгышында −22 градуска кадәр, ТР башкаласында −16дан −18 градуска кадәр) тәшкил итәчәк.