КФУ метеорологы Татарстанда аномаль җылы һава торышын фаразлады

Ике көн эчендә Татарстанда явым-төшемнең айлык нормасының өчтән бер өлеше явачак.

КФУ метеорологы Тимур Әүхәдиев сөйләвенчә, 24 октябрьдән республикада атмосфера басымы үсә башлаячак. Ләкин ял көннәрендә аның кинәт кимүе көтелә.

Көндез Татарстанда плюслы температура сакланса, төнлә нульдән түбән булачак. Мондый температура тибрәнүләре аркасында бозлавык барлыкка киләчәк, ди метеоролог.

Салкын һава торышына карамастан, Татарстанда әле җылы көннәр көтелә. Ноябрьнең беренче көннәрендә температура +10 градуска кадәр күтәрелергә мөмкин, ди синоптик «Челнинские известия» басмасына биргән әңгәмәдә.