«Казан егетләре» төркеме шәһәр халкын Түбән Каманың туган көнен билгеләп үтәргә чакырды

«Казан егетләре» төркеме җырчылары Түбән Кама халкын шәһәр көне уңаеннан оештырылган бәйрәм концертына чакырды.

Музыкантларның видео мөрәҗәгатен хакимиятнең матбугат хезмәте бастырып чыгарды.

«Без сезнең белән бергәләп туган шәһәребез — Түбән Каманың туган көнен билгеләп үтәчәкбез. «Манзара» сәүдә үзәге янында очрашабыз», — дип мәрәҗәгать итә егетләр. 

Концерт 23 сентябрьдә «Гаилә» паркы янындагы «Манзара» сәүдә үзәге янында була. 

Башлану вакыты: 16.00. 

Түбән Кама халкы өчен җирле артистлар һәм коллективлар, Казанның «Казан егетләре», Guns & Динара Ряхимова һәм «Отпетые мошенники» төркеме чыгыш ясаячак. Шәһәр көнен бәйрәм итү турында тулырак материалда укыгыз.