Җиңү көненә Түбән Каманы 20 меңгә якын лалә чәчәге бизәячәк

Түбән Камада 9 майга 20 меңгә якын тюльпан чәчәк атачак. Хәзер «КПБ» җәмгыяте яшелләндерүчеләре чәчәкләрне утырту белән шөгыльләнә. 

«КПБ» белгечләре Николай Лемаев һәйкәле, Җиңү монументы, халык иҗаты йорты янына һәм Вахитов — Химиклар проспекты боҗрасына лаләләр утыртты. Барлыгы 20 мең чәчәк.

Ел саен язгы бәйрәмнәргә матур чәчәк түтәлләрен әзерлиләр. Май аенда Җиңү көнен бәйрәм итүнең төп мәйданчыклары чәчәк келәмнәре белән бизәләчәк.

Шулай ук берьеллык чәчәкләр: петуния, бәрхет, цинерария утыртылачак.

Төзүчеләр проспектын 90 мең берьеллык чәчәк бизәячәк. Шулай ук чәчәкләр «Кама» кунакханәсе янындагы чәчәк түтәлләренә утыртылачак.