Быелгы җәйдә Түбән Кама районында 4 кеше батып үлгән

Ел башыннан Татарстан сулыкларында 59 кеше, шул исәптән 5 бала батып үлгән, бу узган елның шушы чоры белән чагыштырганда 10,6 процентка кимрәк.

Су коену сезоны чорында (1 июньнән 31 августка кадәр) 43 кеше суда һәлак булган, 12 кешене коткарып кала алганнар. Статистканы Россия гадәттән тыш хәлләр министрлыгының Татарстан буенча Баш идарәсе китерә.

Быел Түбән Кама районында 4 кеше батып үлгән, былтыргы җәйдә — 8 кеше, шул исәптән 1 бала һәлак булган.