Түбән Камада узган атнада 44 бала туган

Узган атнада Түбән Камада 44 бала дөньяга килде, шуларның 11е — башка шәһәрнекеләр.

Шәһәр балалар хастаханәсенең кабул итү бүлмәсендә — 368, перинаталь үзәкнең кабул итү бүлмәсендә 88 мөрәҗәгать кабул ителгән.

Перинаталь үзәге булган шәһәр балалар хастаханәсенең матбугат хезмәте хәбәр иткәнчә, 670 бала поликлиникага ОРВИ диагнозы белән килгән. 391 пациент травматология пункты табибларына ярдәм сорап мөрәҗәгать иткән.

Хатын-кызлар консультациясендә 1 186 йөкле хатын-кыз исәптә тора. Стационар дәвалауда 302 пациент бар. Яңа туган һәм вакытыннан алда туган балалар патологиясе бүлегендә 26 сабый һәм 11 әни бар.