Баш метеоролог Татарстанда чын көзнең кайчан башлануы турында сөйләде

Идел буе федераль округында (аңа Татарстан да керә) җәйге җылы һава торышы якшәмбе, 22 сентябрьдә тәмамланачак, дип белдерде Гидрометеорология үзәгенең фәнни җитәкчесе Роман Вильфанд.

Җомга көнне температура фоны төшә башлый һәм якшәмбегә нормаль көзге күрсәткечләргә җитәчәк, дип сөйләде метеоролог «Интерфакс» ка биргән интервьюсында.

Астрономик көзнең башы 22 сентябрьгә — көзге көн белән төн тигезләшкән көнгә туры килә. Шулай итеп, быел ул чын көзге һава торышы башлану белән туры киләчәк.