8 июльдә Түбән Камада «Мәхәббәт һәм тугрылык көне» узачак

Шимбә, 8 июльдә, шәһәребездә «Мәхәббәт һәм тугрылык көне» узачак. «Гаилә» паркында «Түбән Кама — бәхетле гаиләләр шәһәре» дип аталган бәйрәм чарасы оештырыла.

• 9.00- 15.00 — никахлашуларны теркәү тантанасы була.
• 15.00-16.00 — бәйрәм кунаклары алдында камера оркестры «Мәхәббәт көйләре» музыкаль программасы чыгышы көтелә.
• 15.00-18.00 — балалар белән берлектә төрле чаралар, «Дөнья мәхәббәттән башлана» әдәби мәйданчыгы, мототехника күргәзмәсе эшләячәк, кыр чәчәкләреннән такыя үрергә өйрәнергә мөмкин булачак.
• 16.00 — «Гаилә — Түбән Каманың горурлыгы» муниципаль бәйгесендә җиңүче парларга «Мәхәббәт һәм тугрылык өчен» медальләре тапшырылачак.