8-10 ноябрьдә дөнья күләмендә «Татарча диктант» акциясе узачак

Татар телендә грамоталылыкны тикшерү буенча дөнья күләмендә «Татарча диктант» акциясе 8-10 ноябрь көннәрендә узачак.

Диктантны дистанцион рәвештә язучылар өчен «ТНВ Татарстан» һәм «ТНВ Планета» телеканалларында эфир 11:00 дә булачак.

Диктантта катнашучылар өчен өч дәрәҗә текст әзерләнгән. Быел беренче тапкыр диктантны латин хәрефләре белән язарга мөмкин булачак.

Узган ел акция 31 илдә узды, 5 меңнән артык мәйданчыкны колачлады. 31 меңгә якын кеше диктантны онлайн язган, миллионнан артыгы — уздыру урынында.

Уздыру нокталарын оештыручыларга, үз урыннарын күрсәтеп, сайтта теркәлергә кирәк. Онлайн диктант язучылар шулай ук теркәлергә тиеш. Диктантны кәгазьдә язучыларга теркәлү таләп ителми.

Фото: vk.com/biblioteky_nk