4 октябрьдән Ижевск-Түбән Кама поездлары расписаниесе үзгәрәчәк

4 октябрьдән 1 ноябрьгә кадәр Ижевск — Түбән Кама — Ижевск шәһәр яны поездлары расписаниесе үзгәрәчәк.

Бу перегоннарда ремонт эшләре белән бәйле, дип хәбәр итә Россия тимер юлларының матбугат хезмәте.

Ижевсктан Түбән Камага поезд 3:30, 7:24 һәм 15:32 сәгатьләрдә, Түбән Камадан 6:05, 12:56, 16:36 сәгатьләрдә китәчәк. Юл вакыты якынча биш сәгать тәшкил итә. 

Барлык маршрутлар буенча тулы мәгълүматны 8 (800) 550-53-93 телефоны буенча алырга мөмкин.