16 түбәнкамалы һөнәри осталык буенча чемпионат финалында катнашачак

16 түбәнкамалы «Профессионаллар» һөнәри осталык буенча чемпионат финалында катнашачак.

Чемпионат финалы Санкт-Петербургта 25-29 ноябрь көннәрендә узачак. Бу хакта Түбән Кама муниципаль районы мәгариф идарәсе башлыгы Айдар Гарифуллин хәбәр итте.

Түбән Кама муниципаль районы 12 компетенция буенча 10 белем бирү оешмасыннан 16 катнашучы тәкъдим итәчәк.

Катнашучыларны әзерләү Н. В. Лемаев исемендәге нефть химиясе һәм нефть эшкәртү көллияте, Е. Н. Королев исемендәге Түбән Кама политехника көллияте, Түбән Кама агросәнәгать көллияте, Түбән Кама медицина көллияте базаларында узачак.