Көн вакыйгасы
-
Түбән Уратма авылында Башкарма комитет бинасының тантаналы ачылышы узды
Түбән Уратмада яңа объект кулланышка тапшырылды. Башкарма комитет бинасы өр-яңадан торгызылган. Урынын да авыл халкы белән киңәшләшеп сайлаганнар. Биредә эш кабинетларыннан тыш, архив өчен дә бүлмә бар. Проектны гамәлгә ашыруга 7 миллион сумнан артык акча бүлеп бирелгән. Бинаның тантаналы ачылышына авылдашлар гына түгел, Казаннан да кунаклар килә.
-
Ашыгыч ярдәм күрсәтү үзәгендә стерилизация бүлеге эшли башлады
Медицина инструментларын заманча җайланма ярдәмендә юачаклар. Моңа кадәр бу эш белән шәхси компания шөгыльләнгән.
-
Ата-аналар балалары белән бергә интеллектуаль уенда көч сынаштылар
“Ковер” яшьләр үзәгендә “Нәрсә? Кайда? Кайчан?» уенының чираттагысы узды. Бу юлы анда төрле мәктәпләрдән, 6 нчы сыйныф укучылары ата-аналары белән килгән иде. Алар бергәләп тарих, география, совет мультфильмнары һәм башка өлкәләргә кагылган сорауларга җавап бирделәр.
-
НТР медиахолдингы хезмәткәрләрен Искечә Яңа ел белән котладылар
Безнең тамашачыбыз Сергей Шаров елдагыча Кыш бабай булып киенеп килеп коллективның кәефен күтәрде. Пенсионер быел Кар кызын да ияртеп килә. Бергәләп алар хәбәрчеләр, операторлар белән әйлән-бәйлән уйнадылар һәм бүләкләр белән алмаштылар.
-
2 нче дәвалау корпусында капиталь төзекләндерү бара
32 ел элек төзелгән бинада, капиталь ремонт беркайчан да уздырылмаган. Хәзер дәвалау корпусына яңа сулыш өрү өстендә эшлиләр. Палаталар 4 кешегә исәпләнгән һәм бүлмәләрдә пациентларның уңайлылыгы өчен барлык шартлар да тудырылачак.
-
Түбән Каманың үзәк китапханәсе яңа татар китаплары белән тулыланган
Бу - Ренат Харис, Шәмсия Җиһангирова, Зифа Кадыйрова, Фәүзия Солтан, Физалия Дәүләтгәрева кебек авторларның иҗат җимешләре. Китапханәчеләр белдерүенчә укучылар яңа басмаларны чират торып укый.
-
Түбән Камада һава торышы -35 градусны күрсәтә
Соңгы 9 ел өчен бу рекорд температура, ди белгечләр. Урыннары белән авыл җирлекләрендә хәтта 38 градус салкын булган. Әлбәттә мондый һава торышы шәһәрдәшләрнең көндәлек тормышына да үзгәрешләр кертә. Кайберәүләр машиналарын кабыза алмый, укучылар мәктәпләргә бармый.
-
Рөстәм Миңнехановның Раштуа бәйрәме уңаеннан котлавы
«2023 ел хәерле гамәлләргә һәм зур казанышларга бай булыр, һәрберебез Татарстан җәмгыятенең рухи үсешенә көченнән килгәнчә өлеш кертер дип ышанам», диелә котлау мөрәҗәгатендә.
-
Рөстәм Миңнеханов: «Барысы да безнең үзебездән тора!»
Татарстан Президенты татарстанлыларны Яда ел белән котлады. «Яңа елны каршылаганда җанга якын туганнарның һәм дусларның янәшә булуы һәркемнең күңеленә хуш килә», — диелә котлау мөрәҗәгатендә.
-
Түбән Кама районының Трудовой бистәсендә буаны ләмнән чистарталар
Буаны чистарталар. Түбән Кама районының Трудовой бистәсендә зур эшкә тотынганнар. Күл төбенең ләм белән капланган булуы турында авыл халкы хәбәрдар. Шуңа да быел сулыкны үзара салымнан җыелган чаралар хисабына башкарырга булалар.
-
Алмаз Хәмзин түбәнкамалыларга юбилей концертын тәкъдим итте
Композитор, артист, пародист, музыкант һөнәрләренә ия якташыбызга быел 75 яшь тулды. Алмаз Хәмзин Ташлык авылында туып-үсеп, хәзер Казанда яшәп иҗат итә. Туган ягына еш кайта. Шәһәрдәшләр концертын көтеп алалар.
-
Россия Дәүләт думасы депутаты Айдар Метшин өлешчә мобилизациягә эләккәннәрнең балалары өчен чыршы бәйрәме оештырды
Кыш бабай, Кар кызы, Куян катнашындагы бәйрәмгә 60 бала чакырулы була. Алар өчен театральләштерелгән тамаша, осталык дәресләре оештырыла.
-
Кибет кассасыннан 10 мең сум акча урлаган, сатучыга хөҗүм иткән
Күңелсез хәл шәһәрнең тәүлек әйләнәсендә эшли торган кибетләренең берсендә була.
-
Түбән Камада яңа йорт кулланышка тапшырыла.
110 фатир үз хуҗаларын көтә. Кулланышка тапшырыласы йорт Химиклар проспектындагы 15 йортта урнашкан. Монда бүген үк күченергә була - ремонт ясалган, су, газ, ут счетчиклары урнаштырылган. Бәхетлеләр исемлегендә – бюджет өлкәсендә эшләүчеләр, яшь гаиләләр, грант алучы медицина хезмәткәрләре, шулай ук ятим балалар.
-
Яңа елдан шәһәр транспорты эшендә түбәнкамалыларны үзгәрешләр көтә
Автобусларны яңарту, җәмәгать транспорты вакытын арттыру, финанс ярдәме һәм диспетчерлык үзәген үстерү. Яңа елда шәһәр транспорты эшендә түбәнкамалыларны әнә шундый үзгәрешләр көтә.