Көн вакыйгасы
-
Татарстан казыйлары Түбән Камага эш сәфәре белән килде
Татарстан казыйлары Түбән Камага эш сәфәре белән килде. Әлеге делегацияне Җәлил хәзрәт Фазлыев җитәкләде. Ике көнлек эш сәфәре барышында дәрәҗәле кунаклар мөхтәсибәт эшчәнлеге белән таныштылар. Зур чараның бездә уздырылуы очраклы түгел – узган ел ахырында Салих хәзрәт Ибраһимов Түбән Кама төбәге казые итеп билгеләнә. Моңа кадәр безнең җирлек Кама буе төбәгенә керә иде. Хәзер четрекле сораулар туган очракта мөселманнарга Яр Чаллы шәһәренә барырга туры килмәячәк.
-
Эшлекле сәфәр барышында Марат Әхмәтов Түбән Камадагы милли мәгариф учрежденияләре эшчәнлеге белән танышты
Түбән Камада татар милли мәдәният үзәге булдырырга планлаштыралар. Ул 5 нче мәктәп бинасында урын алачак, дип көтелә. Бу хакта Татарстан Республикасы рәисе каршындагы татар телен саклау һәм үстерү мәсьәләләре комиссиясе рәисе белән очрашуда билгеле булды. Эшлекле сәфәр барышында Марат Әхмәтов мәгариф учрежденияләре эшчәнлеге белән танышты. Көн кадагында - милли тәрбия һәм белем бирү сораулары.
-
Тукай урамындагы 17 нче йортның бер фатирында чыккан янгын нәтиҗәсендә 44 яшьлек ир-ат үлгән
Сүндерелмәгән тәмәке төпчеге – фаҗигале янгын сәбәбе шул була. Кайгылы очрак Тукай урамындагы 17 йортта теркәлгән. 44 яшьлек фатир хуҗасы аңына килмичә, реанимациядә җан биргән.
-
Түбән Камага эш визиты белән ТР Дәүләт Советы Рәисе урынбасары килде
Беренче чиратта Марат Әхмәтов 1 нче гимназиядә булды.
-
Тормыш яме — хатын-кыз
Үзебезне белә башлаганнан бирле 8 мартта Халыкара хатын-кызлар көнен билгеләп үтәбез.
-
Гайнуллин урамында бер төркем ир-атлар сугышкан
Бәхәс булган урында хәтта кан эзләре дә калган. Якын тирә йортларда яшәүчеләр белдерүенчә, мондый хәлләр биредә еш була. Ир-атларның сугышуы камераларга да эләгә.
-
Хәрби операциядә катнашучыларга Батырлык ордены тапшырдылар.
Тантаналы чара Халык иҗаты йортында үтте. Концерт Ватанны саклаучылар көне уңаеннан оештырыла. Бәйрәмгә солдатларның әниләре, хатыннары да чакырулы иде.
-
Бүген – Халыкара туган телләр көне
Түбән Камада илледән артык милләт вәкиле яши. Шуларның унбересенең үз оешмалары бар. Алар Халыклар дуслыгы йортында очрашалар, төрле кичәләр үткәрәләр. Туган телләр көне уңаеннан, татар конгрессы вәкилләре яшь буынга үз халкының гореф-гадәтләрен сәхнәләштереп, милли киемнәре, аш-су нигъмәтләре белән дә таныштырдылар
-
Актаныш районының Пучы авылы халык театры Түбән Кама сәхнәсендә чыгыш ясады
Үзешчән артистлар тамашачыларга Исламия Мәхмүтованың “Мәхәббәт чишмәсе” мелодрамасын күрсәттеләр. Рольләрдә гади авыл кешеләре – механизатор, тәрбияче, укытучы булып эшләүчеләр. Тик аларның барсын да иҗатка, театрга мәхәббәт берләштерә.
-
46нчы микрорайонда урнашкан чиркәүгә изге Луканың дәвалау көченә ия булган сөякләре белән Киприан иконасы китерелгән
Түбәнкамалылар туганнарына, якыннарына саулык-сәламәтлек сорап, илгә иминлек тели алалар. 46нчы микрорайонда урнашкан чиркәүгә изге Луканың дәвалау көченә ия булган сөякләре белән Киприан иконасы китерелгән. Аларга табыну һәм гыйбадәт кылу кайчанга кадәр булачак? Безнең төшерү төркеме белеште.
-
Төзүчеләр бистәсендә яшәүчеләр ишегалды җыештыручыга ярдәм итәргә чыктылар.
Кышкы өмәгә чыгалар. Төзүчеләр бистәсендә яшәүчеләр, матур гадәт буенча, ишегалды җыештыручыларга ярдәм итәләр. Урамдагы бозны ваттылар, кар көрәделәр. Ярты сәгать эчендә подъезд тирәсе ялт итте.
-
“Берегиня” клубы җитәкчесе Земфира Рәхимованы тантаналы рәвештә ялга озаттылар
Земфира Кәлимуллина пенсионерлар оешмасын 11 ел җитәкли. Бирегә 60тан артык өлкән шәһәрдәш йөри. Яшьләре 70тән артса да, картаерга вакыт юк, ди алар үзләре. Спортта да, иҗатта да актив. Күп кенә чараларның чишмә башында – Земфира Рәхимова тора. Клуб әгъзалары җитәкчеләренә рәхмәт сүзләре җиткерә.
-
Түбән Кама юлларында камералар урнаштыралар
Аларның төп максаты – машина йөртүчеләрне юлларда тәртип сакларга өндәү һәм аварияләр санын киметү. Камераларны махсус транспорт күп йөри торган участокларда урнаштыралар. Мисал өчен бүген аларны Химиклар – Төзүчеләр проспекты кисешендәге светофор баганаларына элделәр.
-
Билгесез затлар Менделеев урамындагы 32 нче йорт тирәсендәге канализация люкларын урлаганнар
Караклар 5 коеның капкачын салдырып алып киткәннәр. Бу хәлләр төнге вакытта булган. Хәзер «Водоканал» хезмәткәрләре кое өсләрен уратып алганнар. Белгечләр әйтүенчә, металл капкачларын урлау очраклары Түбән Камада еш очрый.
-
Шагыйрь, көрәшче, Бөек Ватан сугышы герое... Түбән Камада Муса Җәлилне искә алдылар
Аның тууына быел 117 ел. Шул уңайдан патриот шагыйрьнең һәйкәле янында митинг узды. Аннары искә алу чарасы Яшь тамашачы театры бинасында дәвам итте.
