Хатлар
-
Гомерлек мәхәббәт
«Вакыт җәрәхәтләрне, күңел яраларын дәвалый», – диләр, кайгы үз башларына төшмәгән кешеләр. Әмма мәхәббәт, йөрәктә тирән яраларын калдырып, мәңгегә кала. Күпме еллар үтсә дә өлкәннәргә: «Ничек таныштыгыз?» – дигән сорау бирсәң, берсе дә: «Хәтерләмим», – димәс. Даруларының исемнәрен онытсалар да, беренче мәхәббәтләре турында озаклап, тәфсилләп сөйләрләр.
-
Сау булыгыз, китәм...
Финляндиягә... Күп акча алып, аз эшли торган җиргә. Һөнәрен дә таптым инде. Карават җылытучы булам.
-
Җиһанны иңләгән Җиһанша
Күптән түгел шәһәребездә кунакта Галиәсгар Камал исемендәге Татар дәүләт академия театры актеры, Татарстанның атказанган артисты, Россиянең кинематографистлар берлеге әгъзасы, Марсель Сәлимҗанов исемендәге премия лауреаты Фәнис Җиһанша (фотода) булып китте.
-
Истәлекле очрашу
«Шәфкатьлелек» тернәкләндерү үзәгендә дә Аналар көне уңаеннан, бәйрәм чарасы узды. Бу кичәгә армия сафларында төрле елларда хезмәт иткән солдатларның әниләре чакырылды. 30га якын ханым арасында Әфган һәм Чечен сугышларында катнашкан хәрбиләрнең әниләре дә бар иде.
-
«Көй-моңнарыбыз онытылмасын»
Йөрәкләргә рәхәт була, гармунда бер уйнасаң. Телгәли ул йөрәкләрне, уйный белеп уйнасаң.
-
Яшьләр сынатмадылар
Кызыл Чишмә бистәсенең «Мирас» мәдәният йортында Түбән Кама гүзәле һәм батыры сайланды. 2012 елдан башлап ел саен уздырылучы бу күркәм бәйгенең сайлап алу өлеше «Ковер» яшьләр үзәгендә үткән иде. Нәтиҗәдә, финалга җиде кыз һәм биш егет чыккан.
-
«Әдәбият сөючеләргә бүләк»
Бездә быелгы җәй иҗат җимешләренә бай булды. Районыбызның Сухрау авылында яшәүче, «Кама таңнары» әдәби берләшмәсе әгъзасы Рәфыйк Әхмәдинең «Йөрәк сүзе» дип аталган яңа китабы басылып чыгу да – әдәбият сөючеләргә бер бүләк.
-
Сагындыра үткәннәр
Төгәл генә хәтерләмим, әллә бишенче, әллә алтынчы сыйныфта укыган чаклар. Рус әдәбияты дәресендә янгын вакытында мәктәптән байракны алып чыкканда янып үлгән малай хакында хикәя укыдык. Шул хикәя белән тәэсирләнеп йөргәндә үзебезнең авылда да мәктәп янды.
-
Каникуллар тәмам
Шәһәребезнең аксакаллар шурасы әгъзалары җәйге каникулларын тәмамлап, эшкә тотындылар.
-
Сынаулы тормыш юллары узып
Авылга кайткач, җәяү генә урам буйлап йөреп кайтырга яратам. Һәр кешенең капка төбенә, йортына күз салуга аның белән бәйле берәр вакыйга хәтердә яңара. Соңгы кайтканда, Зәйфирә исемле кызы белән гомер кичергән Хәмдениса апа Камалиеваның өй турыннан узып барганда да, аның әни белән бергә үгез җигеп, печән ташыганнарын, болында печән чабуларын кызык итеп сөйләгәннәре кылт итеп искә төште дә, үзалдыма елмаеп куйдым.
-
Онытылмас сәфәр
Без бер төркем Каенлы авылы ветераннары, җәмәгать эшләрендә һәм авылның мәдәни тормышында актив катнашучылар, депутатыбыз Рафаил Исмәгыйль улы Хәбибуллин ярдәме белән Зөя ярымутравына экскурсиягә барып кайттык.
-
«Минем шәхси остазларым...»
Фәрит Яхъя улы Вагыйзов – һөнәре буенча журналист. Озак еллар «Түбән Кама Шин» берләшмәсендә чыккан «Шинник« газетасының редакторы булып эшләде. Аның үткен мәкаләләрен Түбән Камада чыгучы газеталарда гына түгел, республика матбугатында да еш күрергә мөмкин иде. Хәзерге вакытта Фәрит Яхъя улы шәһәребезнең 11 мәктәбендә укытучы булып эшли. Ләкин ул журналистика һөнәренә хыянәт итмәде. «Туган як» газетасы белән һәрчак тыгыз элемтәдә тора. Ул – газетаның штаттан тыш хәбәрчесе, алыштыргысыз спорт күзәтүчесе дә әле. Фәрит Вагыйзов (фотода) тиздән олы юбилеен – 60 яшен билгеләп үтәчәк. Аны гомер бәйрәме белән котлыйбыз! Киләчәктә дә «Туган як» белән хезмәттәшлек итәр дигән өметтә калабыз. Һәм түбәндә газета укучыларыбыз игътибарына Фәрит Вагыйзов язмасын тәкъдим итәбез.
-
Зурлап искә алдылар
Кызыл Чапчак китапханәсе һәм мәдәният хезмәткәрләре авылыбызда һәрвакыт әһәмиятле һәм кызыклы чаралар үткәреп торалар.
-
«Һаман көтәм, әткәм кайтыр, дип»
1941 елның 22 июне. Бу көнне фашист Германиясе Советлар иленә вахшиләрчә һөҗүм ясый.
-
«Күңелләребезгә хуш килде»
Безнең Түбән Уратма авылы китапханәсендә бик оешкан төстә «Ядкарь» клубы эшләп килә. Аның җитәкчесе Фатыйма Хафизова һәрбер чарада башлап йөри. «Хәтер» көненә багышланган кичәбезне матур табигать кочагында – «Аргы чишмә» буенда үткәрергә дә – ул тәкъдим итте. «Аргы чишмә» буйлары барыбызның да куңелләренә бик якын, балачак, яшьлек хәтирәләрен саклаган истәлекләргә бай урын да ул.
