Түбәнкамалы йортын сатам дип, акчасыннан коры калган

Интернетта ул Мамадыш районындагы йортын сату турында игълан урнаштырган. Күпмедер вакыттан соң аңа билгесез хатын шалтыратып, йортны ике ай сатмавын сораган һәм 100 мең сум күләмендә аванс күчерәчәген әйткән. Ир риза булган. Хатын аңа банкоматка барырга кушкан. Операциядән соң телефондагы счетына 238 636 сум күчүе турында хәбәр килгән. Ир гаҗәпләнгән, ә «сатып алучы» 100 мең сумны кире җибәрүен үтенгән. Зыян күрүче акчаны өлешләп күчергән, әмма хата чыгып, банк картаны «ябып» куйган. Ир банкка баргач, алдаучы аның исеменә 238 636 сумлык кредит алганлыгы билгеле булган.