Татарстанның социаль һәм медицина учреждениеләрендә битлек кию режимы кертелде

Татарстанда ОРВИ һәм грипп белән авыручылар арту сәбәпле, бүгеннән битлек кию режимы кертелде. Республиканың баш санитар табибы шул хактагы карарны имзалаган. 

Бүгеннән башлап, хастаханә һәм поликлиникаларда битлек киеп йөрү таләп ителә. Бу шәхси һәм дәүләт учреждениеләренә кагыла, дип искәртәләр Роспотребнадзор идарәсендә.

Моннан тыш, интернат, балалар йорты, приютларда да битлек кию мәҗбүри.

Моңа кадәр без районда битлек режимы нинди шартларда кертеләчәге турында сөйләделәр, дип язган идек.