Татарстанда ЮХИДИ хезмәткәрләре «Кышкы каникуллар» чарасын үткәрәчәк

Татарстан Республикасы территориясендә 2023 елның 20 декабреннән «Кышкы каникуллар» профилактик чарасы башланды. Бу хакта ТР Дәүләт автоинспекциясенең матбугат хезмәте хәбәр итә.

Чара киләсе елның 8 гыйнварына кадәр дәвам итәчәк. Ул балалар юл-транспорт травматизмын профилактикалауга юнәлдерелгән.

Шул ук вакытта билгеләп үтелгәнчә, узган елның 11 аенда республика юлларында 418 юл-транспорт һәлакәте теркәлгән, аларда 16 бала һәлак булган һәм 437се яраланган.