Татарстанда иң күп дәүләт пабликларын мәгариф учреждениеләре булдырган

Татарстанда ачылган госпабликларның күбесе мәгариф өлкәсенә карый.
«ВКонтакте» социаль челтәрендә төркемнәрне 1 380 мәктәп, 1 590 балалар бакчасы һәм 126 өстәмә белем бирү учреждениесе ачты.

487 төркемне мәдәният учреждениеләре, 200 — спорт оешмалары тарафыннан булдырылган. 2 271 пабликны җирле үзидарә органнары ачкан.

Татарстанда хәзер барлыгы 6 901 дәүләт паблигы эшли.

Госпабликлар 2022 елның 1 декабрендә үз көченә кергән законны үтәү өчен төзелә.