Татарстанда «Иминлек каешы» операциясе башланды

Татарстанда 2023 елның 17-26 июлендә «Иминлек каешы» оператив-профилактик чарасы уза.

Чараның максаты — куркынычсызлык каешлары белән бәйле хокук бозуларны кисәтү, дип хәбәр итә республика Дәүләт автоинспекциясенең матбугат хезмәте.

РФ Юл хәрәкәте кагыйдәләренең 2.1.2 пункты кагыйдәләре буенча машина йөртүчеләр һәм пассажирлар иминлек каешларын эләктерергә тиеш.

Татарстан территориясендә ЮХИДИ хезмәткәрләреннән тыш, кагыйдәнең үтәлешен фотовидеофиксациянең махсус комплекслары да күзәтә.