Татарстанда Covid-19 зарарлану буенча 23 яңа очрак расланган

Тугыз очрак чит илләрдән кертелгән дип хәбәр ителә, аерым алганда Гарәп Әмирлекләре, Таиланд, Франция һәм Төркиядән кайтучыларда. 14 очрак моңарчы вирус йөртүчеләр белән контактта булучыларда ачыкланган.

Яшь төркемнәре буенча:
18 яшькә кадәр - 2 кеше
18 дән 30 га кадәр - 7
30 дан 50 гә кадәр - 5
50 дән 60 ка кадәр - 4
60 тан 70 кә кадәр - 3
70 тән 80 гә кадәр - 2

23 яңа очракның 18е - Казанда яшәүчеләр. Әлмәттә - 1, Чаллыда - 2, Питрәч районында - 1, Биектау районында 1 очрак расланган.

Бүген 3 кеше өенә чыгарылган.

Россия буенча барысы 13 584 инфекция йоктыру очрагы теркәлгән. Тәүлегенә - 1 667. Бу чираттагы антирекорд. Авыруның югары ноктасы әлегә кадәр үтелмәгән.