Татарстанда 2024 елда ләм кырларын рекультивацияләү һәм биологик чистарту корылмасын реконструкцияләүне тәмамлаячаклар

2024 елда Казанда ләм кырларын рекультивацияләү, шулай ук биологик чистарту корылмаларын реконструкцияләү тәмамланачак. Эшләр «Экология» илкүләм проекты кысаларында башкарылачак.

Республиканың Экология министрлыгында билгеләп үтелгәнчә, 50 ел эчендә 100 гектар мәйдандагы ләм басулары полигонында дүрт миллион кубометрга якын калдык тупланган. Аларны «Иделне сәламәтләндерү» федераль проекты буенча рекультивацияләячәкләр. Эшләр 2021 елдан алып барыла.

Моннан тыш, быел Татарстан Республикасы Саба районы Шәмәрдән авылында нефть калдыклары белән пычранган җирләрнең икенче участогы да рекультивацияләнәчәк.