Татарстанда 1 февральдә тагын ике яңа «Метеор» төзелеше башланачак

Татарстанда 1 февральдә су асты канатларында йөри торган ике тиз йөрешле «Метеор-2020» пассажир судносы корпусларына нигез салу тантанасы була. Бу хакта «А. М. Горький исемендәге Яшел Үзән заводы» ның матбугат хезмәте хәбәр итә.

Яңа суднолар республика ихтыяҗлары өчен төзелә. Михаил Девятаев һәм Муса Җәлил хөрмәтенә аталган ике шундый ук «Метеор» республиканың су маршрутларында уңышлы файдаланыла. Алар 2023 елда суга төшерелгән, Казаннан Ульяновск һәм Свияжскка 181 рейс башкарган.