Сайлау көнендә татарстанлылар айфон яисә автомобиль ота алачак

Сайлаулар көнендә Татарстанда #ВсейСемьейНаВыборы #ТатарстанАлга фотоконкурсы узачак. Җиңүчеләрне 12 IPhone 15 һәм «Лада Веста» автомобиле көтә.

Катнашу өчен сайлау участогы фонында гаилә белән фотога төшәргә кирәк. Кадрда тавыш бирүдә катнашучыларга бирелә торган махсус беләзек булырга тиеш. Аннары фотоны #ВсейСемьейНаВыборы #ТатарстанАлга хештэглары белән социаль челтәргә урнаштырырга кирәк.

Шунысы мөһим: конкурста Татарстанда даими пропискасы булган гражданнар катнаша ала. Кулланучының бите ачык булырга тиеш.

Фотода: Мартта узган президент сайлауларында Актаныш районыннан Флюда һәм Алмаз Гардисламовлар Lada Vesta автомобилен откан иде.