Түбән Кама районында федераль бюджет акчасына пионер күлен чистартачаклар

Түбән Кама районында 2023-2025 елларда су баса торган Каракүлне чистартачаклар. Бу хакта журналистлар белән очрашуда экология министры Александр Шадриков сөйләде.

«Экология» илкүләм проекты кысаларында федераль бюджеттан бу эшләргә 628,9 млн сум бүлеп биреләчәк.

«Без 2025 елга алдан гариза бирдек, һәм 2023 елда ук гамәлгә ашыра башлау өчен актив эшлибез», — дип аңлатты министр.

Барлыгы 3,46 км чистартылачак. Шуның аркасында күл тирәсендәге 615 га мәйданда коммерцияле булмаган бакчачылык ширкәтләрендә яшәү шартлары яхшыртылачак.