Исерек килеш руль артына утырган түбәнкамалы колония-поселениегә хөкем ителде

Түбән Кама шәһәр суды 39 яшьлек җирле кешене берничә тапкыр исерек хәлдә руль артына утырган өчен ирегеннән мәхрүм итте. 2022 елда ир-ат исерек килеш йөргән өчен 264.1 җинаять маддәсе буенча хөкем ителгән булган. Быел май аенда ул тагын исерек килеш машина йөртүдә тотыла.

Суд аны 1 елга колония-поселениегә хөкем итә. Аңа 5,5 ел транспорт чаралары белән идарә итү эшчәнлеге белән шөгыльләнергә ярамый. Моннан тыш, хөкем ителүченең ВАЗ 21093 автомобиле дәүләт файдасына конфискацияләнгән.