Түбәнкамалылар Алабугада узган авиамодель спорты фестивалендә катнашты

Алабуганың иске аэродромында «Җиңү канатларында» — «На крыльях Победы» авиамодель спорты фестивале узды. 

Фестиваль 2010 елдан бирле ел саен үткәрелә. Даими кунаклар исәбендә Мәскәү, Түбән Новгород, Иваново, Казан, Чаллы, Түбән Кама һәм Россиянең һәм Татарстанның башка шәһәрләреннән пилотлар бар.

Бу чара фестиваль тарихында катнашучылар саны буенча иң зурысы булды. Анда бөтен илдән 83 катнашучы, Татарстан Республикасы мәктәпләреннән 256 бала һәм биш йөздән артык тамашачы катнашты.