Түбән Камада спорт сөючеләрне Физкультурачы көнен билгеләп үтәргә чакырдылар

Районның физик культура һәм спорт идарәсе матбугат хезмәте чарага барлык спортчыларны, тренерларны һәм спорт сөючеләрне чакырды.

Бәйрәмдә предприятие, иҗтимагый оешмалар, урта һөнәри белем бирү оешмалары һәм югары уку йортлары, авыл җирлекләренең физик культура коллективлары, спорт ветераннары, мөмкинлекләре чикләнгән кешеләр һәм районның иң яхшы спортчылары арасында спартакиада җиңүчеләрен бүләкләү, спорт мәктәпләре тәрбияләнүчеләренең концерт чыгышлары, спорт ярышлары һ. б. узачак.

Физкультурачы көне  Түбән Каманың «Кояшлы алан» паркында 10 августта узачак.

Чараның башлануы кичке алтыга планлаштырылган.