Түбән Камада «Сәламәтлек сукмагы»н скандинавия йөреше фестивале белән ачачаклар

Түбән Камада 21 сентябрьдә «Сәламәтлек сукмагы» ачыла. Чара кысаларында Түбән Камада скандинавия йөреше фестивале уздырылачак.

Катнашучыларны теркәү иртәнге 8:30дан башлана, аннан соң физик активлыкның бу төре буенча мастер-класс узачак, ул фитнес, спорт йөреше һәм дәвалау физкультурасы катнашмасыннан гыйбарәт.

Иртәнге сәгать уннан скандинавия йөреше буенча 1,5 һәм 3 км дистанцияләрдә ярышлар башлана. Ахырда җиңүчеләрне бүләклиләр, моннан тыш призлар уйнатылачак.

Фестиваль «Батыр» спорт мәктәбе янындагы урман массивы янында узачак. Алдан ук sport.nk306@yandex.ru почтасына заявка җибәрергә кирәк. Белешмә өчен телефон: 8 (937) 527-85-07.