Түбән Кама спортчылары янгын сүндерү-коткару спорты буенча ТР беренчелегендә җиңү яулады

Түбән Кама спортчылары егетләр һәм кызлар арасында янгын сүндерү-коткару спорты буенча Татарстанның ачык беренчелегендә җиңү яуладылар.

Россия гадәттән тыш хәлләр министрлыгының Республика буенча Баш идарәсе матбугат хезмәте хәбәр иткәнчә, бу — янгын сүндерү сагының күренекле җитәкчесе Николай Лобов истәлегенә багышланган 17 нче турнир булган.

Төп приз өчен барлыгы алты команда көч сынашты. Ярышлар ике дисциплина буенча өч яшь категориясендә узды — штурм баскычыннан күтәрелү һәм 100 метрлы полосаны каршылыклар аша узу.