Түбән Кама командасы бокс буенча Бөтенроссия ярышларыннан ике медаль алып кайтты

Тобольск шәһәрендә 10-15 июльдә бокс буенча Россиянең «Спартак» физкультура-спорт җәмгыятенең Бөтенроссия ярышлары узды. Алар 19 яшьтән 40 яшькә кадәрге ир-атлар һәм хатын-кызлар арасында үткәрелгән.

Татарстан спорт федерациясендә хәбәр итүләренчә, республиканы Түбән Кама һәм Арча спортчылары тәкъдим иткән. Ярышлар нәтиҗәләре буенча Түбән Кама боксчылары ике өченче урынны алды:

• Роберт Кәримов — 57 кг авырлык категориясендә;
• Тимур Эрназаров — 60 кг авырлык категориясендә.

Фото: ТР спорт федерациясе