Яшьләр көнендә Түбән Камада урам гимнастикасы буенча ярышлар узачак

24 июньдә Түбән Каманың «Айда» экстрим-паркында 44 мең сум приз фонды белән урам гимнастикасы буенча ачык турнир (воркаут) узачак. Бу турыда мәгълүмат паркның социаль челтәрләрендә урнаштырылган.

Ярышлар ике дисциплина буенча үткәрелә:

• воркаут — фристайл;
• воркаут — өч төрле көрәш (троеборье).

Катнашу өчен гаризаны 22 июньгә кадәр тутырып җибәрергә кирәк, ә инде ярышлар көнендә 12 сәгатьтә экстрим-паркта катнашучыларны теркәү башланачак.